Міністры абароны ўсіх 28 дзяржаў Еўрапейскага Саюза аднагалосна падтрымалі запыт Францыі аб ваеннай дапамозе і супрацоўніцтве.
Як падкрэсліла вярхоўны прадстаўнік ЕС па знешняй палітыцы Федэрыка Магерыні, Францыя папрасіла дапамогі ў той момант, «калі, можна лічыць, увесь Еўрапейскі Саюз перажыў напад».
Гэта першы выпадак, калі адна з краін Еўрасаюза звяртаецца з запытам аб прымяненні артыкула 42/7 Лісабонскага пагаднення, якая прадугледжвае салідарнасць у выпадку агрэсіі супраць дзяржавы ЕС.
Дапамога можа быць аказана ў выглядзе паставак узбраення (у тым ліку самалётаў) і боепрыпасаў. Аб непасрэдным удзеле вайскоўцаў іншых краін ЕС у авіяналётах, якія французскія ВПС здзяйсняюць у Іраку і Сірыі з верасня 2015 года, пакуль не паведамляецца.
0
0
0
0
0
0
