Паводле яго слоў, Беларусь займае другое месца сярод краін Усходняй Еўропы па колькасці грамадзян польскага паходжання. Першае месца займае Літва (400 тысяч чалавек), трэцяе — Украіна (140 тысяч).
В.Тычыньскі зазначыў, што ўсяго Польшча плануе выдаць больш як 1 млн. «карт паляка», у тым ліку ад 100 да 200 тысяч у 2008 годзе. «У нас няма прагнозаў па краінах. Усё будзе залежаць ад зацікаўленасці ў атрыманні такой карты», — сказаў В.Тычыньскі.
Ён таксама зазначыў, што дакументы на атрыманне карты будзе разглядаць консул, а сама карта будзе вырабляцца ў Польшчы. Пры гэтым В.Тычыньскі падкрэсліў, што «карта паляка» не будзе замяняць польскую візу. Для ўезду ў краіну ўладальніку карты давядзецца атрымліваць візу, якая будзе выдавацца бясплатна. Разам з тым, сказаў прадстаўнік польскага МЗС, за атрыманне шэнгенскай візы ўладальнікам «карты паляка» давядзецца плаціць.
В.Тычыньскі таксама паведаміў, што Польшча выдзеліла на арганізацыю выдачы «карты паляка» ў 2008 годзе 13,3 млн. злотых (6,05 млн. долараў).
Як раней паведамляў БелаПАН, 31 сакавіка пасольства Польшчы ў Мінску пачало прыём дакументаў беларускіх грамадзян для атрымання «карты паляка». За тыдзень прыкладна 30 чалавек ужо падалі дакументы, па кансультацыю звярнуліся прыкладна 150 чалавек.