Вярхоўны суд ЗША заявіў, што разгледзіць законнасць рашэння прэзідэнта Барака Абамы па змяненні міграцыйнай палітыкі, якое прывядзе да легалізацыі мільёнаў мігрантаў.
Яшчэ ў 2014 годзе Абама падпісаў указ, згодна з якім каля пяці мільёнаў мігрантаў, якія нелегальна пражываюць у Злучаных Штатах, атрымаюць легальны статус і ім больш не будзе пагражаць дэпартацыя.
Гэта ключавая частка прапанаванай Абамам іміграцыйнай рэформы.
Аднак ніжэйстаячыя судовыя інстанцыі ў 26 штатах — у асноўным кансерватыўных — заблакавалі гэтую рэформу.
Рашэнне Вярхоўнага суда чакаецца ў пачатку лета, калі перадвыбарчая кампанія ў ЗША пачнецца ў поўную сілу.
Барак Абама выступіў з прэзідэнцкай ініцыятывай у лістападзе 2014 года пасля таго, як некалькі спроб правесці рэформу іміграцыйнай сістэмы праз кангрэс скончыліся няўдачай.
Згодна з рэформай, людзі, якія пражылі ў ЗША больш за пяць гадоў і маюць дзяцей з правам пражывання на тэрыторыі краіны, атрымаюць магчымасць уладкавацца на працу на законных падставах.
