Святкаванне 70-годдзя заканчэння Другой сусветнай вайны прымае ў Беларусі гратэскныя формы. Крычаўскі чыгуначны вакзал выглядае з артылерыйскай гарматай Д-44 вельмі дзіўна і недарэчна, піша сайт «Наш Магілёў».
Зразумела, ніякай «абароны вакзалу» ніколі не было. У чарговы раз раённыя ўлады пайшлі на непрыхаваную фальсіфікацыю гісторыі. Мемарыяльная шыльда падказвае, што гэта проста чарговы выбрык ідэолагаў:
На жаль, праз 70 гадоў пасля вайны ўжо не патрабуецца асэнсавання мемарыяльных знакаў. Гледзячы па геаграфічных каардынатах, гармата «б’е» акурат па суседнім Чэрыкаве:
Сумна, але ідэолагі працягваюць цынічную традыцыю ўсталёўваць зброю, якая ніколі не ваявала пад час Другой сусветнай вайны. Лічба «44» падказвае, што дывізіённая 85-мм гармата была распрацаваная ў другой палове 1944 года на «Уралмашы». На ўзбраенне савецкай арміі Д-44 была прынятая толькі ў 1946 годзе.
Культурны «трэш» становіцца сімвалам сучаснай Беларусі.