Завяршыўся афіцыйны візіт прэзідэнта Беларусі Аляксандра Лукашэнкі ў В’етнам. Кіраўнік дзяржавы накіраваўся з Ханоя ў Мінск.
У в’етнамскай сталіцы Аляксандр Лукашэнка 7 красавіка правёў перагаворы з кіраўніцтвам краіны, у час якіх бакі намецілі канкрэтныя крокі па пашырэнню двухбаковага супрацоўніцтва і нарошчванню ўзаемнага гандлю.
У прысутнасці кіраўнікоў дзвюх дзяржаў былі падпісаны дакументы, якія датычацца развіцця кантактаў у розных сферах. Аляксандр Лукашэнка і Нгуен Мінь Чыет прынялі таксама сумесную дэкларацыю.
8 красавіка прэзідэнт Беларусі прыняў удзел у цырымоніях ускладання вянкоў да Манумента Паўшым Героям і Маўзалея Хо Шы Міна. Затым кіраўніку беларускай дзяржавы была прапанавана кароткая экскурсія па музею Хо Шы Міна.
Перад адбыццём у Мінск адбылася сустрэча Аляксандра Лукашэнкі з выпускнікамі беларускіх ВНУ, прадстаўнікамі таварыства дружбы «В’етнам‑Беларусь», навуковых колаў, прафсаюзаў, Саюза жанчын і іншых грамадскіх арганізацый В’етнама.
Паралельна ў Ханоі прайшоў круглы стол з удзелам дзелавых колаў Беларусі і В’етнама.