Ноччу невядомыя зламысьнiкi сарвалi дошкi цэнтральнага ўваходу ў недабудаваны храм вёскi Узнаж Сьветлагорскага раёну i скралi чатыры абразы Хрыста Збавiцеля, столькi ж — Сьвятой Багародзiцы i адзiн абраз Казанскай Божай Мацi, а таксама iншы царкоўны рыштунак.
Заява аб iх прапажы ранiцай паступiла ў мiлiцыю раёну, i начальнiк сьледчага аддзелу Вячаслаў Катлярчук паведамiў нам, што ўсё скрадзенае ў вынiку апэратыўнай работы было знойдзена ў схованцы побач з чыгуначным пераездам, за паўкiлямэтра ад царквы. Пошукi зламысьнiкаў працягваюцца.