Карта паляка, якую могуць атрымаць палякі ў Літве, можа дыскрымінаваць грамадзянаў іншых краін Эўразьвязу. Такое меркаваньне выказалі прадстаўнікі літоўскага МЗС на старонках выданьня «Lietuvos Żinios». У міністэрстве падкрэсьлілі, што прывілеі ўладальнікаў Карты паляка могуць супярэчыць зьвязаўскаму заканадаўству. Дыскрымінацыяй можа лічыцца таньнейшы праезд для літоўцаў з Картаю паляка ў параўнаньні з грамадзянамі іншых эўрапейскіх краін.
У сваю чаргу генэральны консул Польшчы ў Вільні Станіслаў Цыгнароўскі лічыць, што такія льготы для палякаў не павінны выклікаць зьдзіўленьня, паколькі ўсе краіны клапоцяцца пра сваіх суайчыньнікаў.