У апытанцы ў ВК «Советской Белоруссіі» большасць выказалася за ўжыванне назвы «Масковія» замест «Расія»
Прапанова некаторых дэпутатаў Вярхоўнай Рады Украіны заканадаўча рэкамендаваць называць «Расію» «Масковіяй» была тролінгам высокага ўзроўню. Інфармацыя пра такую ініцыятыву шырока разышлася ў СМІ. Напісала пра яе і прэзідэнцкая «Советская Белоруссія». А на сваёй старонцы ў ВК газеты размясціла і апытанку чытачоў. Расія ці Масковія?
Па стане на 12.00 25 лютага ў ёй прагаласавала амаль 1500 чалавек. 77% з іх аддалі перавагу Масковіі.
Да XVII ст. на беларускіх і ўкраінскіх землях Расію сапраўды называлі пераважна Масковіяй.
Грэчаскую назву «Расія» маскоўскія князі пачалі культываваць ад XVI ст., разумеючы, што такая назва абгрунтоўвае іх прэтэнзіі на ўсе землі былой Кіеўскай Русі.
У беларускіх і ўкраінскіх гаворках да ХХ ст. «рускімі» называлі беларусаў і ўкраінцаў, у адрозненне ад «расейцаў», «расійцаў» ці «маскалёў», і толькі ў ХХ ст. гэтыя паняцці змяшаліся.
Тонкі тролінг украінскіх дэпутатаў-радыкалаў нагадаў пра гэтыя гістарычныя нюансы.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца9
Каментары