Гэта гісторыя пачалася ў студзені. Тады інтэрнэт абляцеў кранальны здымак 5-гадовага хлопчыка з Афганістана Муртазы Ахмадзі, які змайстраваў майку свайго куміра Ліянэля Месі з поліэтыленавага пакета.
Бацька хлопца тлумачыў, што сям’я жыве вельмі бедна і яны нават не ў стане набыць сыну сапраўдную футболку.
Гэты фотаздымак быў моцна раскручаны на асноўных спартыўных сайтах. Фактычна пачалася цэлая кампанія, каб падараваць малому сапраўдную майку аргенцінскага футбаліста. У выніку атрымалася выйсці на Месі і ён адразу падтрымаў ініцыятыву.
Учора Муртаза Ахмедзі атрымаў сапраўдную футболку ад свайго куміра.
«Я люблю Месі, а на маёй майцы сказана, што Месі любіць мяне», — адзначыў хлопчык. Мабыць, учора ў свеце не было больш шчаслівага чалавека.
0
0
0
0
0
0