Фота Сяргея Гудзіліна
Упраўленнем Следчага камітэта па Віцебскай вобласці завершана расследаванне крымінальнай справы, распачатай у дачыненні да дзвюх жыхарак Наваполацка, што здзейснілі серыю крадзяжоў у старых людзей.
Восенню мінулага года на працягу трох тыдняў у праваахоўныя органы ад састарэлых жыхароў Полацкага раёна сталі паступаць паведамленні аб здзяйсненні крадзяжоў з іх дамоў. Пры гэтым заяўнікі тлумачылі, што выяўлялі адсутнасць грошай пасля наведвання іх двума жанчынамі, якія прадстаўляліся работнікамі розных дзяржаўных структур, якія аказваюць дапамогу састарэлым грамадзянам. Са слоў адных заяўнікаў, жанчыны прыходзілі ў дом на падставе праверкі праводкі і электрычнага лічыльніка. Са слоў іншых, жанчыны выдавалі сябе за работнікаў страхавой кампаніі альбо сацыяльных работнікаў.
Атрымаўшы магчымасць зайсці ў дом, г.зв. «дзяржаўныя служачыя» аглядалі памяшканні, гаспадарчыя пабудовы, ажыццяўлялі фатаграфаванне дома, нібы з мэтай аказання матэрыяльнай дапамогі, у асобных выпадках прасілі старых паказаць наяўныя грошы, нібыта з мэтай перапісу нумароў купюр для наступнага іх абмену ў сувязі з маючай адбыцца дэнамінацыяй. Пацярпелыя ахвотна размаўлялі з адной з ілжэслужачых, а другая тым часам абшуквала дом на прадмет наяўнасці ў доме грошай і каштоўнасцяў. Займеўшы шуканае, жанчыны спешна развітваліся з пацярпелымі і сыходзілі з дому.
У выніку правядзення праверачных мерапрыемстваў па падазрэнні ў здзяйсненні злачынства былі затрыманыя 34 і 35-гадовая жыхаркі горада Наваполацка. У ходзе следства ўстаноўлена, што за час сваёй дзейнасці злачынная група здзейсніла крадзяжы ў дамах, якія належаць пяцярым старым людзям. Узрост пацярпелых вагаўся ад 72 да 91 года. Усе яны з'яўляліся адзінокія, дамы якіх знаходзяцца ў прыватным сектары.
Канчатковае абвінавачванне абодвум жанчынам прад'яўлена па ч.3 арт.205 (крадзеж, учынены паўторна, групай асобаў, з пранікненнем у жыллё, у буйным памеры) Крымінальнага кодэкса Рэспублікі Беларусь.
Адна з абвінавачаных мае чатыры судзімасці за здзяйсненне маёмасных злачынстваў.
У цяперашні час папярэдняе следства па крымінальнай справе завершанае. Праведзены комплекс неабходных следчых дзеянняў: агляды месцаў здарэнняў, апазнання, допыты і вочныя стаўкі. Сстарым пацярпелым часткова кампенсаваны ўрон, прычынены злачыннымі дзеяннямі абвінавачаных.
Крымінальная справа перададзена пракурору для накіравання ў суд.
Следчы камітэт звяртае ўвагу на неабходнасць ажыццяўлення апекі над састарэлымі сваякамі, нават у выпадку, калі вы не жывяце з імі сумесна.
Сістэматычныя напамін пра неабходнасць праверкі дакументаў у асоб, што прыходзяць у дом і называюць сябе дзяржаўнымі служачымі, выкарыстанне па прызначэнні устаноўленых устройстваў, што замыкаюцца, адмова ад захоўвання буйных сум грашовых сродкаў па месцы жыхарства дапамогуць вашым састарэлым сваякам захаваць уласныя зберажэнні і не стаць ахвярамі злачынных замахаў.
Асобна Следчы камітэт нагадвае грамадзянам, што да 1 ліпеня 2016 года прапановы памяняць старыя грошы на новыя могуць паступаць выключна ад махляроў.
Новыя купюры з'явяцца ў звароце як законны плацежны сродак толькі з 1 ліпеня 2016 года.
