Грузавік з прадуктамі перакуліўся на трасе ў Мінскім раёне, паведамілі ў раённым аддзеле ДАІ.
Кіроўца аўтамабіля «ГАЗ» развозіў прадукты харчавання. Рухаючыся з боку Заслаўя, ён не ўлічыў стану праезнай часткі і ўмоў надвор'я, з-за чаго машыну занесла і яна перакулілася.
У ДТЗ ніхто не пацярпеў, хуткасць грузавіка была невысокай.
ДАІ рэкамендуе кіроўцам у складаных умовах надвор'я пазбягаць рэзкіх манеўраў, зніжаць хуткасць руху і павялічваць дыстанцыю.