 |
Па ўмовах гэтай праграмы сям’і выдзяляецца катэдж з мэбляй і бытавой тэхнікай. Мясцовы выканкам забясьпечвае прыёмных бацькоў і грашыма на дзяцей, аплочвае ўсе камунальныя паслугі, паведамляюць naviny.by са спасылкай на газэту Рэспубліка.
Галоўны партнёр БДФ спонсар праграмы «Цёплы дом» апошнія тры гады — міжнародная арганізацыя зь Ірляндыі ‑‑ «Chernobyl children’s project» («Праект дапамогі дзецям Чарнобыля»).
Менавіта яна выдзеліла грошы на будаўніцтва сямейнага дзіцячага дому ў Капылі. Выканаўчы дырэктар гэтай арганізацыі Эдзі Роўч — першая з замежных грамадзян, узнагароджаная ордэнам Францішка Скарыны. Апроч таго, яна суаўтар дакумэнтальнага фільму «Чарнобыльскае сэрца», які ў 2004 г. атрымаў «Оскар».
У Ірляндыі грошы на дабрачынную арганізацыю ахвяруюць і простыя ірляндцы і багатыя спонсары.
Адзін зь іх — лідэр рок‑гурту «U2» Бона (Пол Дэвід Х'юсан), вядомы сваёй дабрачыннай дзейнасьцю. На мінулым тыдні ягоная жонка наведала Беларусь і пабывала ў Чарнобыльскай зоне.
На мінулым тыдні ў Ірляндыі прайшла дабрачынная акцыя «Чарнобыльскі тыдзень». Прадстаўнікі арганізацыі езьдзілі па краіне, распавядалі пра катастрофу на АЭС, зьбіралі ахвяраваньні.
«Chernobyl children’s project» працуе ў Беларусі ў 1991 г. Гэта арганізацыя ўжо аказала дапамогу нашай краіне ў памеры 73 мільёны эўра.
