З нядзелі 155 краін пераходзяць на выкарыстанне новай вакцыны супраць поліяміэліту.
Тысячы спецыялістаў будуць назіраць за пераходам на новую вакцыну ў 155 краінах на працягу наступных двух тыдняў.
Новая версія вакцыны больш не будзе ўключаць у сябе аслаблены варыянт 2-га тыпу віруса поліяміэліту, які быў ліквідаваны ў 1999 годзе.
Доктар Стывен Кочы з амерыканскага Цэнтра па кантролі і прафілактыкі захворванняў тлумачыць: «Існуючая вакцына змяшчае жывы аслаблены вірус, які адносіцца да трох тыпаў поліяміэліту. Аднак нам не патрэбен другі кампанент, бо ён больш не сустракаецца ў свеце».
У вельмі рэдкіх выпадках вакцына можа мутаваць у форму цыркулявалага віруса вакцыннага паходжання.
«Таму выдаленне 2-га тыпу з вакцыны ліквідуе гэтую рызыку і гарантуе, што мы выкарыстоўваем вакцыну, якая працуе лепш з кожным разам», — кажа Кочы.
У 2015 годзе былі зафіксаваныя 74 выпадкі захворвання, з пачатку гэтага года адзначана 10 выпадкаў.
Захворванні фіксуюцца ў Афганістане і Пакістане. Афрыка застаецца свабоднай ад поліяміэліту ўжо больш за год.
Поліявірус атакуе шэрае рэчыва спіннога мозгу чалавека і можа прывесці да паралічу. Поліяміэліт невылечны, яго можна толькі прадухіляць.
