У Мінску з 4 мая арганізуюцца два новыя тралейбусныя маршруты — № 66 і №67, паведамілі ў дзяржаўнай установе «Сталічны транспарт і сувязь».
Так, з мэтай паляпшэння перавозак пасажыраў на ўчастку ад мікрараёна Сухарава да прасп. Дзяржынскага па будніх днях у гадзіны пік будзе арганізаваная праца новага тралейбуснага маршруту № 66 «ДС Сухарава-5 — ст.м. Міхалова» з рухам па вул. Панчанкі, Сухараўскай, Лабанка, Шаранговіча, Панамарэнкі, Гурскага, прасп. Дзяржынскага ў абодвух кірунках. Адначасова ў сувязі з адкрыццём маршруту № 66 будзе перагледжаны расклад руху па тралейбусным маршруце № 8 «ДС Сухарава-5 — ст.м. Інстытут Культуры».
Па будніх днях у гадзіны пік таксама будзе арганізаваная праца новага тралейбуснага маршруту № 67 «ДС Ангарская-4 — АВ Усходні» з рухам па вул. Несцерава, Ангарскай, прасп. Партызанскім, вул. Ванеева ў прамым кірунку, вул. Ванеева, А.Кашавога, прасп. Партызанскім, вул. Ангарскай, Несцерава ў зваротным кірунку. Адначасова ў сувязі з адкрыццём маршруту № 67 работа тралейбуснага маршруту № 3Д «ДС Ангарская-4 — Аранская» будзе скасаваная.
