Прэм'ер-міністр Турцыі Ахмет Давутаглу абвясціў аб рашэнні сысці ў адстаўку са сваёй пасады і пакінуць пост лідара кіруючай Партыі справядлівасці і развіцця.
Па словах Давутаглу, ён вырашыў не вылучаць сваю кандыдатуру на чарговых выбарах кіраўніка партыі, якія пройдуць на яе з'ездзе 22 мая. Такое рашэнне прэм'ер прыняў па выніках перамоваў з уплывовымі членамі выканкама партыі.
У выніку, па словах Давутаглу, ён прыйшоў да высновы, што для адзінства партыі і стабільнасці ў ёй будзе карысная змена лідара. Прэм'ер адзначыў, што лічыць паспяховай сваю працу на чале ўрада, які прыйшоў на цяжкі перыяд у жыцці краіны.
Раней паведамлялася, што паміж Давутаглу і прэзідэнтам краіны Рэджэпам Таіпам Эрдаганам ужо даўно існуюць рознагалоссі, нягледзячы на тое, што апошні пасля абрання прэзідэнтам сам абраў Давутаглу сваім пераемнікам на пасадзе лідара Партыі справядлівасці і развіцця.
Аднак пазней Давутаглу стаў выказваць нязгоду з палітыкай Эрдагана, які вырашыў памяняць парламенцкую сістэму кіравання краінай на прэзідэнцкую, гэта значыць максімальна пашырыць прэзыдэнцкія паўнамоцтвы, а прэм'ер-міністру вылучыць другарадную ролю.
У сувязі з гэтым у турэцкай прэсе з'явілася інфармацыя пра магчымую замену Давутаглу на іншага чалавека. Чакалася, што гэта адбудзецца на пазачарговым з'ездзе Партыі справядлівасці і развіцця ў канцы мая.
