На набярэжнай італьянскай Фларэнцыі побач са славутым мостам Понтэ Век'ё прахожыя фатаграфуюць праваленую пад зямлю паркоўку разам з 20 аўтамабілямі, паведамляюць інфармагенцтвы.
Пашкоджанне стаянкі з дзясяткамі машын адбылося з-за прарыву трубы, у выніку чаго грунт праваліўся і ўтварылася яма памерам 7 на 200 м. Таксама вада з трубы затапіла ўтвораную яму. Ва ўсім гэтым і загразлі прыпаркаваныя на набярэжнай ракі Арна аўтамабілі.
Цяпер рух на месцы здарэння перакрыты. Тут працуюць паліцэйскія і супрацоўнікі камунальных службаў.
Як расказаў мэр горада Дарыё Нардэла, пацярпелых няма, але страты каласальныя.
0
0
0
0
0
0
