Паводле уладаў М’янмы, ад стыхіі загінулі 38,5 тыс. чалавек, а больш за 27 тыс. лічацца зьніклымі бязь зьвестак.
Тым часам прадстаўнікі Чырвонага Крыжа кажуць, што колькасьць ахвяр можа дасягаць 128 тыс. чалавек.
Ваенны ўрад М’янмы значна ўскладняе дастаўку гуманітарнай дапамогі ў пацярпелыя раёны і абмяжоўвае доступ журналістаў.
Для абмеркаваньня сытуацыі з кіраўніцтвам краіны сюды прыбыў прэм’ер‑міністар Тайлянду, але місія скончылася няўдала. Паводле яго словаў, хунта цьвёрда мае намер сама справіцца з наступствамі стыхіі.
Мэтэаролягі, у сваю чаргу, папярэджваюць, што ў наступныя суткі на ўзьбярэжжа М’янмы можа прыйсьці яшчэ адзін трапічны цыклон.