Грамадства4040

На Віцебскай бройлернай Ганну Шарэйка сустракалі, як кіназорку: апладысментамі і караваем ФОТАФАКТ

Ганна Шарэйка — сенатар і гендырэктар прадпрыемства, амаль два гады знаходзілася пад вартай. У пятніцу яе вызвалілі ў зале Вярхоўнага суда, знялі судзімасць, і яна вярнулася на працу. Работнікі прадпрыемства пачалі збірацца перад корпусам фабрыкі яшчэ ў 06:30, піша Tut.by.

Работнікі цэха гатовай прадукцыі сабраліся раней за ўсіх. Надзімаюць рознакаляровыя паветраныя шарыкі, некаторыя з іх з лагатыпам «Ганна» (пад гэтым брэндам пакупнікі ведаюць прадукцыю Віцебскай бройлернай фабрыкі).

Работніцы з хваляваннем некалькі разоў рэпетавалі, як лепш трымаць доўгі плакат. На ёй залатымі літарамі напісана: «З вяртаннем, Ганна Васільеўна!»

На Ганне Шарэйка — стыльны дзелавы касцюм блакітнага колеру, над яе вобразам папрацаваў цырульнік. Падначаленыя сустракаюць яе гучнымі апладысментамі, як кіназорку. Яна кланяецца сваім работнікам у пояс:

— Добры дзень! Нізкі паклон вам усім!

Наперад выходзіць адна з жанчын:

— Дарагая вы наша! Мы вас вельмі чакалі! І ў вашу гонар гучыць трохразовае ўра!

Гендырэктар прымае хлеб-соль, з усіх бакоў ёй падаюць букеты. І звяртаецца да работнікаў:

— Я хачу падзякаваць усяму нашаму калектыву. Ваша падтрымка для мяне неацэнная. Мне было вельмі прыемна атрымліваць ад вас паштоўкі, інфармацыю аб прадпрыемстве і ўсім гэтым жыць. Я ні на каго не крыўджуся, усё гэта было проста нейкай памылкай. Усё становіцца на свае месцы. Дзякуй усім вам і нашай краіне, якую вельмі люблю, я скажу цяпер сваімі справамі, учынкамі, стаўленнем да калектыву.

У мяне да вас толькі адно пытанне: ці магу я ўжо ісці працаваць?

— Так, — усміхаюцца ўсе вакол.

Ганна Шарэйка адразу ж заходзіць у будынак. У прыёмнай яе чакае Віктар Міраш з букетам руж. Яна тут жа запрашае яго ў свой кабінет, які пуставаў і чакаў яе амаль два гады.

У 7.55 у гендырэктара Віцебскай бройлернай фабрыкі ўжо пачаўся новы працоўны дзень.

Каментары40

Цяпер чытаюць

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Усе навіны →
Усе навіны

«Калі перамовы стануць «новай Ялтай», то менавіта Беларусь рызыкуе стаць маўклівай ахвярай вялікай амаральнай здзелкі»21

У Беларусі засталося ўсяго сем прыватных школ4

Вольга Лойка: Я не вельмі веру ў перспектывы міністра Маркава дастаць паўнамоцтвы з-пад ААЦ3

Уладальнік гродзенскай этна-крамы «Цудоўня» ў СІЗА2

Праўладны спявак дамовіўся, каб у туалеце кавярні гучала яго песня9

Пяць высноў з Мюнхенскай канферэнцыі па бяспецы, якая ўвойдзе ў гісторыю20

Яўген Дудкін патлумачыў, чаму стаў сакрэтным агентам КДБ25

Пазняк вітае магчымую здзелку «вызваленне палітвязняў» у абмен на санкцыі77

Вячорка: Ні прызначэнне Дзікавіцкага, ні прызначэнне Коўшык з намі не ўзгаднялася4

больш чытаных навін
больш лайканых навін

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Галоўнае
Усе навіны →

Заўвага:

 

 

 

 

Закрыць Паведаміць