Венгрыя — адна з сенсацый групавога турніру Еўра-2016, фота uefa.com
Зборная Славакіі забяспечыла сабе месца ў 1/8 фіналу чэмпіянату Еўропы-2016. Славакі занялі трэцяе месца ў групе В, набраўшы чатыры ачкі ў трох матчах: падапечныя Яна Козака саступілі Уэльсу (1:2), але пасля гэтага перамаглі Расію (2:1) і згулялі ўнічыю з Англіяй (0:0).
Зборныя Албаніі і Паўночнай Ірландыі таксама занялі трэція месцы ў сваіх групах, але ў паўночнаірландцаў лепшая розніца мячоў, і яны трапляюць у 1/8 фіналу.
Паколькі ў 1/8 фіналу Еўра з шасці каманд, якія занялі трэція месцы ў групе, выходзяць чатыры лепшыя, а Албанія і Паўночная Ірландыя ўжо не змогуць апярэдзіць Славакію, каманда Яна Козака ні пры якіх абставінах не выпадзе з першай чацвёркі ў зводнай табліцы каманд, якія занялі трэція месцы.
Таксама ў 1/8 фіналу выйшла Венгрыя з чатырма ачкамі.