Грамадства55

У Нью-Ёрку сустрэліся сябры аб'яднання «Пагоня»

Пакуль увесь свет зачаравана сочыць за навінамі з Рыа і заўзее за свае нацыянальныя каманды, у Нью-Ёрку адбываюцца хай і не такія маштабныя, але значныя лакальныя падзеі.

У мінулую суботу ў Цэнтральным парку каля 20 асноўных дзеячаў беларуска-амерыканскага аб'яднання «Пагоня» сустрэліся ў нефармальнай абстаноўцы, каб абмеркаваць планы на бліжэйшы час, а таксама пазнаёміць новапрыбыўшых у ЗША беларусаў з тым, чым займаецца арганізацыя.

«Такія сустрэчы — выдатны спосаб пазнаёміцца з суайчыннікамі і набыць новых сяброў, якія не толькі растлумачаць, як разабрацца з новым асяроддзем, але і могуць даць слушныя парады наконт патэнцыйнай працы, вучобы, ці проста падзеляцца «tips and tricks» (парадамі і рэкамендацыямі) для жыцця ў Амерыцы», — адзначыў старшыня аб'яднання Віталь Зайка.

Асноўнай тэмай стала абмеркаванне выбараў дэпутатаў палаты прадстаўнікоў Беларусь, якія маюць адбыцца неўзабаве. Пазіцыя арганізацыі ў асобе кіраўніка і ўдзельнікаў нейтральная. Усе сышліся на думцы, што гэта будзе падрыхтоўка кандыдатаў да наступных прэзідэнцкіх выбараў, а вынікі не маюць ніякага значэння, бо іх праўдзівасць і легітымнасць выклікаюць сумнеў яшчэ на этапе падрыхтоўкі. Не варта, аднак, адмаўляць, што «ёсць кандыдаты з годнай праграмай, якія пры лепшых умовах маглі б нешта памяняць і рэалізаваць». 

Таксама на сустрэчы нам удалося пагутарыць са «старажыламі» «Пагоні», якія цягам амаль чатырох гадоў з'яўляюцца актыўнымі ўдзельнікамі акцый і мерапрыемстваў, што праводзяцца пад эгідай аб'яднання. Марына Цітова падзялілася ўражаннямі аб нядаўнім Маршы паднявольных народаў (акцыя салідарнасці з народамі, якія аказаліся пад прыгнётам) і распавяла, што сёлета колькасць беларусаў на мерапрыемстве была рэкорднай: больш за 100 чалавек выйшлі са сцягамі на вуліцы Нью-Ёрка 17 ліпеня. У цэлым, Марына толькі пацвердзіла існуючае меркаванне, што, жывучы ў эміграцыі, усё часцей пачынаеш шанаваць культуру роднай краіны і ганарыцца сваім паходжаннем, няхай нават і даводзіцца кожны раз тлумачыць амерыканцам, дзе знаходзіцца Беларусь. Менавіта таму «традыцыйныя святы кшталту Купалля і Гукання вясны выклікаюць такі водгук сярод беларусаў у Амерыцы, якія з задавальненнем збіраюцца разам і адпраўляюцца на пошукі папараць-кветкi».

Адным з напрамкаў развіцця і працы аб'яднання ў бліжэйшыя месяцы стане якаснае асвятленне ў СМІ дзейнасці «Пагоні».

Каментары5

Залева ў Мінску, верагодна, была наймацнейшай за ўсю гісторыю назіранняў3

Залева ў Мінску, верагодна, была наймацнейшай за ўсю гісторыю назіранняў

Усе навіны →
Усе навіны

У Байдэна дыягнаставалі каранавірус1

788 украінскіх вайскоўцаў зніклі без вестак у баях за сяло Крынкі Херсонскай вобласці5

Улады ЗША абвінавацілі неанацыста з Грузіі ў падрыхтоўцы масавага атручвання дзяцей у Нью-Ёрку5

Круты выказаў спачуванні родным загінулых падчас урагану. Але не Лукашэнка5

Высокаінтэнсіўныя фізічныя нагрузкі ў старасці паляпшаюць памяць

У Святланы Ціханоўскай мяняецца дарадца па прававых пытаннях24

Латушка заклікаў журналістаў і праваабаронцаў з Еўропы скарыстацца з бязвізу8

Работніцы суда пагражае да 12 гадоў за «заклікі да санкцый і абразу Лукашэнкі»4

Транспартныя сродкі з беларускімі нумарамі не змогуць заязджаць і ў Эстонію7

больш чытаных навін
больш лайканых навін

Залева ў Мінску, верагодна, была наймацнейшай за ўсю гісторыю назіранняў3

Залева ў Мінску, верагодна, была наймацнейшай за ўсю гісторыю назіранняў

Галоўнае
Усе навіны →