Музыка33

«Народны альбом» у Беластоку — бясплатныя квіткі і візы для беларусаў

4 верасня ў Падляшскай оперы Беластока тэлеканал «Белсат» ладзіць канцэртную прэм’еру юбілейнай версіі «Народнага альбома», прымеркаванай да надыходзячага 20-годдзя аднаго за найбольш вядомых і уплывовых беларускіх музычных праектаў.

За музычную частку «Народнага альбома» традыцыйна адказвае Лявон Вольскі. Разам з ім заспяваюць і іншыя вакалісты арыгінальнага складу праекта: Зміцер Вайцюшкевіч, Аляксандр Памідораў, Вераніка Круглова, Кася Камоцкая. Агулам у праекце будзе задзейнічана больш за 20 беларускіх музыкаў — такога вялікага складу ў праекта яшчэ ніколі не было.

Разам з музычнай будзе пашырана і візуальная частка праекта. За гэта адказвае вядомы польскі тэлевізійны рэжысёр Конрад Смуга, які рабіў шмат буйных тэлевізійных праектаў для галоўных каналаў Польшчы: TVP 1, TVP 2, Polsat. Ён плануе максімальна скарыстаць тэхнічныя магчымасці Падляшскай оперы — адной з самых сучасных і прасунутых канцэртных пляцовак Польшчы. Над элементамі мастацкага аздаблення, сцэнаграфіяй і касцюмамі працуюць мастачка Алена Ігруша і стваральнік ідэі «Народнага альбома» Міхал Анемпадыстаў.

— Апошні раз мы гралі «Народны альбом» у 2008 годзе. Новая версія будзе канцэптуальна адпавядаць класічнай, але з рэалізацыяй на іншым якасным і тэхнічным узроўні, — распавядае Лявон Вольскі. — Ужо ідуць рэпетыцыі і пакуль што па музычнай частцы я ўсім вельмі задаволены. Візуальную частку распрацоўвае польскі бок, там таксама ўсё вельмі амбітна.

— Для нас гэта вялікі выклік і найвялікшы за шмат год творчы праект, які робіць «Белсат». Мы падумалі, што такой культавай з’яве, песні з якой у Беларусі ведае амаль кожны, трэба надаць прафесійную форму, якую яна заслугоўвае і на якую ніколі да гэтага не хапала грошай і магчымасцяў, — лічыць Агнешка Рамашэўская-Гузы, дырэктар тэлеканала «Белсат».

***

Квіткі на канцэрт для беларусаў будуць бясплатнымі. Каб атрымаць квіток і візавую падтрымку, трэба зарэгістравацца на адмысловай старонцы сайту тэлеканала Белсат, слушна адказаўшы на некалькі пытанняў пра песні «Народнага альбома».

Візавая падтрымка дазваляе ўладальнікам квіткоў атрымаць візы без аплаты консульскага збору (да 25 год) і за 50% консульскага збору (ад 25 год). Падаць на візу можна будзе ў Візавых цэнтрах Рэспублікі Польшча ў Мінску, Брэсце і Гродна без электроннай рэгістрацыі. Паслуга падачы платная — 15 еўра. Падрабязнасці будуць дасылацца на мэйл разам з квіткамі.

Каментары3

Беларусь пацвердзіла расстрэльны прысуд Крыгеру: «Германіі прапанаваныя канкрэтныя рашэнні»3

Беларусь пацвердзіла расстрэльны прысуд Крыгеру: «Германіі прапанаваныя канкрэтныя рашэнні»

Усе навіны →
Усе навіны

Кіраўнік «Белсата» адказаў на абвінавачанні ў фінансавых злоўжываннях на канале

Заснавальнік Яндэкса даў першае інтэрв’ю пасля ўцёкаў з Расіі. Прызнаў свае памылкі10

У Ваўкавыску затрымалі маці і цётку анархіста Францкевіча. Яны прывезлі палітвязню перадачу4

Пра што маўчаў Пётра Сергіевіч2

У Мінску ўчора затапіла салон прыгажосці. Ён цалкам сышоў пад ваду ВІДЭА1

Андрэю Кудзіку з Вілейкі далі яшчэ чатыры гады калоніі1

У Дняпры ў рыбе завёўся страшны паразіт. Пераходзіць на чалавека!1

Ці можна ў Беларусі прысудзіць да расстрэлу замежніка? Адказваюць юрысты 2

Полк Каліноўскага адмаўляе датычнасць Рыка Крыгера да падраздзялення

больш чытаных навін
больш лайканых навін

Беларусь пацвердзіла расстрэльны прысуд Крыгеру: «Германіі прапанаваныя канкрэтныя рашэнні»3

Беларусь пацвердзіла расстрэльны прысуд Крыгеру: «Германіі прапанаваныя канкрэтныя рашэнні»

Галоўнае
Усе навіны →