Заснавальнік сацыяльнай сеткі Facebook Марк Цукерберг падчас сустрэчы з кіраўніком Рымскай каталіцкай царквы Папам Францыскам. Фота: L'Osservatore Romano/Pool Photo via AP
Сустрэча прайшла 29 жніўня ў Апостальскім палацы. Амерыканскага праграміста і прадпрымальніка суправаджала жонка Прысцыла Чан.
У ходзе сустрэчы абмяркоўвалася «як выкарыстоўваць камунікатыўныя тэхналогіі для змягчэння вастрыні праблемы беднасці, спрыяння культуры сустрэчы і распаўсюджвання паслання надзеі, асабліва сярод самых абдзеленых», паведаміў кіраўнік Залы друку Апостальскай Сталіцы Грэг Бёрк.
Святы Айцец не першы раз сустракаецца з прадстаўнікамі сусветнай інтэрнэт-індустрыі. У студзені 2016 г. ён прыняў на аўдыенцыі кіраўніка амерыканскай карпарацыі «Google» Эрыка Шміта, а праз тыдзень кіраўніка «Apple» Цімаці Кука.