 |
Паводле прагнозу Рэспубліканскага гідраметэацэнтра, 7 чэрвеня ў Беларусі чакаецца пераменная воблачнасць. Пераважна без ападкаў, толькі днём месцамі па паўночным усходзе кароткачасовы дождж. Вецер паўночны, ноччу слабы, днём 4—9 м/с. Тэмпература паветра ноччу +7—13°C, днём +22—28°C, па паўночным усходзе Віцебскай і Магілёўскай абласцей +19—21°C.
У Мінску 7 чэрвеня пераменная воблачнасць, без ападкаў. Вецер паўночны, ноччу слабы, днём 4—9 м/с. Тэмпература паветра ноччу +9—11°С, днём +24—26°С.
У наступныя двое сутак, 8 і 9 чэрвеня, сіноптыкі прагназуюць па краіне пераменную воблачнасць. 8 чэрвеня ноччу пераважна без ападкаў, днём у асобных раёнах кароткачасовыя дажджы, магчымы навальніцы. Вецер усходні, 3—8 м/с, пры навальніцах парывы да 14 м/с. Тэмпература паветра ноччу +7—14°C, днём +20—26°C, па паўднёвым захадзе да +28°C. 9 чэрвеня пераважна без ападкаў. Вецер заходні, 3—8 м/с. Тэмпература паветра ноччу +6—13°C, днём +21—28°C.
У Мінску 8 чэрвеня пераменная воблачнасць. Ноччу без ападкаў, днём магчымы кароткачасовы дождж. Вецер усходні, 3—8 м/с. Тэмпература паветра ноччу +11—13°С, днём +22—24°С.
