Пастановай Савета Міністраў і Нацыянальнага банка нумар 707/23 ад 8 верасня 2016 года скарэктаваныя правілы ўстаноўкі і выкарыстання індывідуальнымі прадпрымальнікамі плацежных тэрміналаў. Адпаведная інфармацыя размешчаная на афіцыйным сайце беларускага ўрада.
У прыватнасці, дакументам прадугледжаная магчымасць выкарыстання аднаго плацежнага тэрмінала, які дазваляе весці раздзельны ўлік аперацый прыёму аплаты, у размешчаных на плошчах аднаго гандлёвага цэнтра і (або) тэрыторыі аднаго рынку некалькіх аб'ектах, у якіх дзейнасць ажыццяўляецца адным або некалькімі індывідуальнымі прадпрымальнікамі. Пры гэтым індывідуальным прадпрымальнікам павінна быць забяспечана магчымасць дастаўкі плацежнага тэрмінала да трымальніка банкаўскай плацежнай карткі непасрэдна ў аб'ект, дзе ажыццяўляецца аплата тавару (паслугі) пры выкарыстанні банкаўскай плацежнай карткі.
Акрамя таго, індывідуальныя прадпрымальнікі маюць права ажыццяўляць дзейнасць без устаноўкі і выкарыстання плацежных тэрміналаў пры наяўнасці дакумента, які пацвярджае прыём банкам-экваерам заяўкі на ўстаноўку плацежнага тэрмінала, на працягу двух месяцаў з даты ўзнікнення абавязку па ўстаноўцы і выкарыстанні плацежнага тэрмінала.
Пастанова набывае моц пасля яе афіцыйнага апублікавання.
