Лідары ЕС рэзка асудзілі авіяналёты на Алепа. Пакуты мірных жыхароў «гэта недапушчальнае парушэнне міжнароднага гуманітарнага права», заявілі ў суботу, 24 верасня, вярхоўны прадстаўнік ЕС па знешняй палітыцы і палітыцы бяспекі Федэрыка Магерыні і камісар ЕС па гуманітарных пытаннях Хрыстас Стыліянідзес.
Бамбардзіроўкі ў Алепа яны назвалі «знявагай усяму свету».
З асуджэннем масіраваных авіяналётаў выступіў таксама генеральны сакратар ААН Пан Гі Мун. Ён «у жаху ад цынічнай ваеннай эскалацыі» ў другім па значэнні сірыйскім горадзе.
У выніку удараў па Алепа два мільёны чалавек засталіся без водазабеспячэння. Як сцвярджаюць прадстаўнікі апазіцыйнай арганізацыі Сірыйская назіральная рада па правах чалавека (SOHR), якая базуецца ў Лондане, у выніку апошніх авіяўдараў па ўсходніх раёнах горада загінулі 25 мірных жыхароў. Колькасць ахвяр, як чакаецца, можа яшчэ ўзрасці, бо людзі пасля бамбардзіроўкі маглі апынуцца пад заваламі, перадае AFP.
