Падчас матчу італьянскай серыі B паміж камандамі «Віртус Энтэла» і «Вічэнца» гульцу ўпершыню ў гісторыі футбола была паказаная зялёная картка.
Reuters
Яны былі ўведзеныя яшчэ ўвосень мінулага года, але да гэтага часу ні разу не выкарыстоўваліся.
Як паведамляе агенцтва Рэйтэр, зялёную картку ў нядзелю атрымаў футбаліст «Вічэнцы» Крысціян Галана. На 59-й хвіліне матчу ён нанёс удар міма брамы, пасля якога суддзя прызначыў кутні на карысць «Вічэнцы». Але Галана прызнаўся суддзі, што яго дотык мяча быў апошнім, і арбітр змяніў рашэнне.
Зялёныя карткі даюцца гульцам за выкананне правіл fair play (сумленнай, годнай гульні). Напрыклад, калі футбаліст адправіць мяч за межы поля, калі супернік атрымаў траўму, або прызнаецца ў здзейсненым фоле.