Уступіла ў сілу пастанова Міністэрства працы і сацыяльнай абароны «Аб устанаўленні разліковай нормы працоўнага часу на 2017 год. Дакумент быў апублікаваны 12 кастрычніка на Нацыянальным прававым інтэрнэт-партале.
Разліковую норму працоўнага часу Мінпрацы і сацабароны ўсталёўвае штогод у адпаведнасці з артыкулам 124 Працоўнага кодэкса. Гэтая норма прымяняецца наймальнікам для вызначэння колькасці работнікаў, працягласці працоўнага часу, на працягу якога работнік абавязаны знаходзіцца на працоўным месцы, складання графікаў работы (зменнасці), а таксама ў мэтах кантролю за выкананнем нормаў працягласці працоўнага часу.
Нормы ўстанаўліваюцца для пяцідзённага працоўнага тыдня (выходныя — субота, нядзеля) і шасцідзённага (выходны — нядзеля) і не павінны перавышаць планку, усталяваную Мінпрацы.
Згодна з дакументам, у 2017-м годзе разліковая норма працоўнага часу аказалася ніжэй, чым у апошнія два гады, але вышэй, чым у 2013 і 2014 годзе.
Як мянялася разліковая норма працоўнага часу
год | пяцідзёнка | шасцідзёнка |
2011 | 2037 | 2038 |
2012 | 2023 | 2024 |
2013 | 2008 | 2016 |
2014 | 2015 | 2017 |
2015 | 2032 | 2026 |
2016 | 2038 | 2024 |
2017 | 2019 | 2021 |