Праваахоўнікі затрымалі 23-гадовага мінчука, які займаўся распаўсюджваннем асабліва небяспечнага псіхатропу. У сям'і маладога чалавека былі ўпэўненыя, што той па начах працуе звычайным грузчыкам.
Міліцыянты звярнулі ўвагу на хлопца, які хадзіў ад пад'езда да пад'езда і корпаўся ў зямлі. У ходзе асабістага дагляду ў яго канфіскавалі 10 грам асабліва небяспечнага псіхатропнага рэчыва Aльфа-pvp. Пазней затрыманы паказаў, дзе пакінуў яшчэ 20 закладак.
Па месцы жыхарства ў фігуранта канфіскавалі яшчэ 65 грам парашкападобнага рэчыва, а таксама розныя прадметы для яго фасоўкі, грошы і калекцыю нажоў.
«Затрыманы растлумачыў, што уладкаваўся закладнікам у канцы ліпеня, працаваў на інтэрнэт-краму. Атрымліваў у пастаўшчыкоў па 100 грам псіхатропнага рэчыва, фасаваў і раскладваў дробнымі закладкамі. Пры гэтым сам наркотыкі не ўжываў», — распавяла прэс-афіцэр Кастрычніцкага РУУС Эвеліна Маркоўская.
Сваёй маці хлопец распавядаў, нібыта па начах працуе грузчыкам.
У дачыненні да мінчаніна распачата крымінальная справа па ч. 3 арт. 328 Крымінальнага кодэкса Беларусі (Незаконны абарот наркатычных сродкаў, псіхатропных рэчываў, іх прэкурсораў і аналагаў).
Калі віна фігуранта будзе даказаная, яму пагражае суровае пакаранне — аж да пазбаўлення волі на 15 гадоў.
