Фігура Маці Божай Фацімскай будзе прынесеная ў мінскі архікатэдральны сабор 13 кастрычнiка, паведамляеcatholic.by.
Перэгрынацыя фігуры Маці Божай Фацімскай ў 1998 годзе. Фота catholic.by
Фігура Маці Божай Фацімскай, якую Мітрапаліт Мінска-Магілёўскі арцыбіскуп Тадэвуш Кандрусевіч асвяціў ў Фаціме (Партугалія) 4 кастрычніка, прабудзе ў архікатэдральным касцёле да 16 кастрычніка. У гэты дзень яна пачне перэгрынацыю па парафіях архідыяцэзіі. З мінскага сабора будзе перавезеная ў магілёўскі.
Затым фігуру змесцяць у бакавы алтар мінскага сабора, які будзе наладжаны да 100-годдзя фацімскіх аб'яўленняў Панны Марыі (май 2017-га).
Фацімскія аб'яўленні Панны Марыі — серыя падзей у партугальскім горадзе Фаціма. Па запэўненнях дзяцей, ім шматкроць з'яўлялася жанчына (пасля асацыяваная з Марыяй) і перадавала паведамленні з заклікамі рэлігійнага характару і прароцтвы. Аб'яўленні прызнаныя каталіцкай царквой сапраўдным цудам.
