 |
Паводле прагнозу Рэспубліканскага гідраметэацэнтра, 21 чэрвеня ў Беларусі будзе воблачна з праясненнямі. На большай частцы тэрыторыі кароткачасовыя дажджы, месцамі навальніцы. Вецер паўднёвы з пераходам на заходні 3—8 м/с, пры навальніцах парывы да 14 м/с. Тэмпература паветра ноччу плюс 10—16°С, днём плюс 17—23°С, на поўдні да плюс 26°С.
У Мінску 21 чэрвеня будзе воблачна з праясненнямі, кароткачасовы дождж, магчыма навальніца. Вецер паўднёвы з пераходам на заходні 3—8 м/с, пры навальніцы парывы да 14 м/с. Тэмпература паветра ноччу плюс 12—14°С, днём плюс 19—21°С.
У наступныя двое сутак, 22—23 чэрвеня, у Беларусі чакаецца воблачнае з праясненнямі надвор’е. 22 чэрвеня пераважна без ападкаў, толькі ноччу па ўсходняй палове месцамі кароткачасовыя дажджы, магчымы навальніцы. Вецер заходні 5—10 м/с, пры навальніцах парывы да 14 м/с. Тэмпература паветра ноччу плюс 8—15°C, днём плюс 18—25°C.
23 чэрвеня па рэспубліцы, пераважна па паўночна‑заходняй палове, кароткачасовыя дажджы, навальніцы. Вецер паўднёвы, паўднёва‑заходні 5—10 м/с, пры навальніцах парывы да 14 м/с. Тэмпература паветра ноччу плюс 10—17°C, днём плюс 25—31°C, па поўначы плюс 20—24°C.
У Мінску 22 чэрвеня будзе воблачна з праясненнямі, без ападкаў. Вецер заходні 5—10 м/с. Тэмпература паветра ноччу плюс 9—11°С, днём плюс 19—21°С.
