Магілёўскі абласны суд пакінуў у сіле прысуд суда Горацкага раёна, які прызнаў вінаватым мясцовага жыхара ў згвалтаванні і гвалтоўных дзеяннях сэксуальнага характару ў дачыненні да малалетняй прыёмнай дачкі.
Як паведамілі сёння ў Магілёўскім абласным судзе, падчас судовага следства было выяўлена, што з 27 верасня 2010 года па 16 верасня 2015 года абвінавачаны рабіў у дачыненні да малалетняй прыёмнай дачкі гвалтоўныя дзеянні сэксуальнага характару і яе згвалтаванне, вырабляў парнаграфічныя матэрыялы з яе выявай і, выкарыстоўваючы сетку інтэрнэт, дэманстраваў гэтыя і іншыя парнаграфічныя матэрыялы, размяшчаючы іх у сваіх акаўнтах.
30 жніўня суд Горацкага раёна прызнаў мужчыну вінаватым у шэрагу злачынстваў, у прыватнасці ў распусных дзеяннях, вырабе і распаўсюджванні парнаграфічных матэрыялаў з выявай непаўналетняй, згвалтаванні і гвалтоўных дзеяннях сэксуальнага характару. Яму было прызначанае пакаранне ў выглядзе пазбаўлення волі на 20 гадоў з адбываннем трох гадоў з прызначанага пакарання ў турме, а астатнюю частку тэрміна — у папраўчай калоніі ва ўмовах узмоцненага рэжыму, без канфіскацыі маёмасці.
20 кастрычніка 2016 года судовай калегіяй па крымінальных справах Магілёўскага абласнога суда пакінуты без зменаў прысуд суда Горацкага раёна.
У судзе Горацкага раёна справа слухалася за зачыненымі дзвярыма.
