Праваахоўныя органы Беларусі зацікавіліся дзейнасцю старшыні праўлення Белінвестбанка Генадзя Сысоева. Дакладней — з учорашняга дня былога кіраўніка гэтага банка. Дадзеную інфармацыю TUT.BY паведамілі крыніцы ў банкаўскіх колах.
«Узніклі да яго пытанні ў кампетэнтных органаў», — сказаў суразмоўца. «Так, ён зняты з пасады. Але, наколькі мне вядома, па стане на сённяшнюю раніцу абвінавачванняў з боку праваахоўных органаў не выстаўлялася. Думаю, на працягу двух сутак стане вядома, выстаўленыя супраць яго абвінавачванні ці не», — кажа яшчэ адна крыніца.
У прэс-службе Белінвестбанка заявілі, што Генадзь Сысоеў пакінуў пасаду старшыні праўлення банка «па сямейных абставінах». «Учора назіральны савет задаволіў заяву Генадзя Сысоева, з сённяшняга дня ён больш не з'яўляецца старшынёй праўлення Белінвестбанка», — сказалі ў прэс-службе банка.
Мабільны тэлефон банкіра недаступны.
Выконваючым абавязкі старшыні праўлення банка прызначаны першы намеснік старшыні праўлення Ігар Барэйка.
