Улада6767

«Ад кожнага факультэта па два добрыя каменты». Як працуюць на сайце «Нашай Нівы» тролі з БРСМ

Пра гэта стала вядома з сакрэтных інструкцый кіраўніка БРСМ БДУ.

Пасля публікацыі ў незалежных СМІ інфармацыі пра тое, як адзін з кіраўнікоў БРСМ Сяргей Клішэвіч разам з АМАПам напаў на лідара «Маладога фронту» Змітра Дашкевіча на адкрыцці помніка Леніну каля МТЗ, сакратар ячэйкі БРСМ у Белдзяржуніверсітэце Канстанцін Андрусевіч разаслаў сваім падапечным інструкцыі для вядзення «інфармацыйнай вайны».

«Калі мы не будзем падтрымліваць сваіх, то ў выніку атрымаем змену парадкаў і наогул таго, дзе мы працуем», — тлумачыць Андрусевіч неабходнасць «заступіцца» за свайго калегу, які абняславіўся каля помніка Леніну.

«Мы не простая студэнцкая арганізацыя, якая займаецца аля забаўкамі студэнтаў. Калі нас папрасілі (не загадалі, хоць маглі і загадаць) — мы робім гэта», — піша Андрусевіч кіраўнікам суполак на факультэтах БДУ.

«Падключыце сваіх намеснікаў, не зробім — грош нам цана! Давайце спрацуем …(нецэнзурнае слова). Дзякуй, зайцы!», — заканчвае ён сваю натхнёную прэамбулу.

Далей ідуць канкрэтныя інструкцыі, што трэба рабіць БРСМаўскім тролям у сеціве. Загад просты: пракаментаваць «як след» артыкул пра Клішэвіча на сайтах charter97.org, «Наша Ніва», «Беларускі партызан», «Салідарнасць», TUT.BY.

Ад кожнага факультэта патрабаваліся два «добрыя каментары» пад кожным артыкулам пра Клішэвіча. Дэдлайн — да 19.00 таго дня, калі быў разасланы «загад» «войску троляў». Прадугледжвалася і строгая справаздачнасць з указаннем вобласці, сайта, ніка і скрыншота старонкі з каментаром.

Каментары трэ было пісаць пад чужымі імёнамі. Асноўныя тэмы каментароў — «гісторыя адна для ўсіх», «правакацыі вядуць да дэстабілізацыі», «БРСМ бароніць інтарэсы людзей» ды іншы няхітры набор прапаганды.

Відавочна, падначаленыя дрэнна выканалі загад свайго верхавода Андрусевіча, бо пазней ён напісаў ім: «Я зразумеў, што ад вас мала карысці. Пайду па 10 тысяч чалавек шукаць тых, хто зможа гэта зрабіць, калі нашы лідары БРСМ факультэтаў не могуць».

Сайт charter97.org паведамляе, што ў каментары Канстанцін Андрусевіч заявіў, маўляў, ніякіх інструкцый не было і размаўляць на гэтую тэму ён не будзе, і кінуў слухаўку.

Каментары67

Цяпер чытаюць

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць

Усе навіны →
Усе навіны

«$10 тысяч — самы мінімум». Нявеста ў разгубленасці ад цэн на «сціплае» вяселле і не ведае, ці вартае яно таго11

Нацбанк хоча забараніць у Беларусі разлікі з дапамогай крыптавалют

Зніклая два з паловай гады таму работніца віцебскай хіміі скончыла жыццё самагубствам3

Паглядзіце, як беларусы ўпарадкоўваюць старыя габрэйскія могілкі — розніца паміж «да» і «пасля» ўражвае7

Фіца: Славакія здымае вета з 18-га пакета санкцый ЕС супраць Расіі4

«Нёман» выйшаў у наступны раўнд, а брэсцкае «Дынама» вылецела

Сеніцкі воўк, якога гераічна застрэліла міліцыя, усё ж аказаўся сабакам. Пад пытаннем і ягонае шаленства12

Загінуў вядомы аўстрыйскі парашутыст-экстрэмал Фелікс Баўмгартнэр1

ЗША адклалі ўзгодненую пастаўку Patriot Швейцарыі, бо ў прыярытэце Украіна3

больш чытаных навін
больш лайканых навін

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць

Галоўнае
Усе навіны →

Заўвага:

 

 

 

 

Закрыць Паведаміць