 Нона Мардзюкова |
У нядзелю ў Маскве на 83‑м годзе памерла народная артыстка СССР Нона Мардзюкова.
Нона Мардзюкова нарадзілася 25 лістапада 1925 году ў Данецкай вобласьці.
У 1950 годзе яна скончыла Усерасейскі дзяржаўны інстытут кінематаграфіі й стала актрысай Тэатру‑студыі кінаактора.
За ролю Ульяны Громавай ў фільме «Маладая Гвардыя» Мардзюкова была ўганараваная Сталінскай прэміяй СССР.
Шырокую вядомасьць актрыса набыла пасьля выкананьні ролі Сьцешы ў фільме «Чужая радня», які выйшаў на экраны ў 1955 годзе.
За сваю кінакар’еру Мардзюкова зьнялася больш як у 60 фільмах.
Спаміж самых знаных ейных роляў — працы ў фільмах «Камічсар», «Брыльянтавая рука», «Радня», «Мама».
Апошнім часам актрыса не аднойчы трапляла ў лякарню.
Рэдакцыйнай радай ангельскай энцыкляпэдыі «Хто ёсьць хто» яна была ўключаная ў дзясятку самых выдатных актрыс ХХ стагодзьдзя.
