На пажары на вуліцы Герасіменкі ў Мінску 15 снежня загінулі дзве жанчыны.
Як паведамляе Мінскае гарадское ўпраўленне МНС, у 11.53 ад жыхароў дома па вул. Герасіменкі, 16, паступіла паведамленне пра дым у пад'ездзе. Пасля прыбыцця да месца выкліку першых падраздзяленняў пажарных было выяўлена, што на другім паверсе дзевяціпавярховага жылога дома ў жылым пакоі двухпакаёвай кватэры адбылося загаранне маёмасці на плошчы 11 квадратных метраў.
У пакоі знойдзеныя два абгарэлыя трупы: гаспадыні кватэры і яе маці.
Работнікі МНС, выкарыстоўваючы маскі, спусцілі з верхніх кватэр па лесвічным маршы пяць чалавек, у тым ліку дваіх дзяцей.
Эвакуявана 15 чалавек. Сярод іх пацярпелых няма.
Пажарам пашкоджана мэбля ў пакоі, закурана кватэра. Прычына трагедыі высвятляецца.
