Расейская праваслаўная царква назвала «жудаснай» прапанову кананізаваць Сталіна 18
«Прылічаць да ліку сьвятых вінаватага ў дзяржаўным тэрарызьме і бандытызьме, у выніку якога ганаруюцца сотні тысячаў пакутнікаў за веру — гэта жудаснае блюзьнерства»
«Гэта верх цынізму, — заявіў у этэры радыёстанцыі «Эхо Москвы» прэс‑сакратар Маскоўскай Патрыярхіі Уладзімер Вігілянскі. — Ён адзін з арміі вінаватых у поўным разгроме Рускай праваслаўнай царквы, у сталінскі час загінулі гвалтоўнай сьмерцю каля 200 тысяч сьвятароў».
«Прылічаць да ліку сьвятых вінаватага ў дзяржаўным тэрарызьме і бандытызьме, у выніку якога ганаруюцца сотні тысячаў пакутнікаў за веру — гэта жудаснае блюзьнерства», — заключыў Вігілянскі.
З прапановай кананізаваць Сталіна выступіла міжрэгіянальная грамадзкая арганізацыя «Камуністы Пецярбурга і Ленінградзкай вобласьці».