База Дэвэсэлу, Reuters.com
Масква лічыць Румынію пагрозай для Расіі пасля таго, як ЗША размясцілі на яе тэрыторыі элементы сістэмы СРА. Пра гэта паведаміў дырэктар еўрапейскага дэпартамента МЗС Расіі Аляксандр Боцан-Харчанка
Прадстаўнік расійскага міністэрства замежных спраў адзначыў, што падобныя рашэнні Румыніі «накіраваны, у першую чаргу, супраць Расіі» і «вельмі ўскладняюць» ўзаемадзеянне і супрацоўніцтва паміж Масквой і Бухарэстам, пра што румынскім уладам было заяўлена, «у тым ліку, публічна».
Дырэктар дэпартамента МЗС падкрэсліў, што «з боку Бухарэста назіралася адкрытая антырасійская, нават русафобская лінія пры натхнёнай рэалізацыі санкцый і моцнай антырасійскай рыторыцы».
У той жа час Боцан-Харчанка адзначыў, што ў Расіі і Румыніі ёсць асновы для супрацоўніцтва і «кропкі, на якія можна абаперціся, каб пераадолець» негатыўную сітуацыю ў адносінах паміж абедзвюма краінамі. Ён сказаў, што Масква будзе «імкнуцца» да канструктыўнага ўзаемадзеяння з Бухарэстам.
Наземная база ЗША супрацьракетнай абароны ў Румыніі стала першай ва Усходняй Еўропе. Яна была адкрыта ў маі 2016 года і, па словах Вашынгтона, прызначана для перахопу балістычных ракет, якія могуць быць запушчаныя з Ірана і КНДР.
Амерыканская база размешчана на поўдні Румыніі і была разгорнута на старой базе румынскай ВПС Дэвеселу. На баявым дзяжурстве знаходзяцца 24 супрацьракеты SM-3, радар Aegis і апаратура сачэння.
На разгортванне элементаў ПРА ЗША ў Румыніі прэзідэнт Расіі Уладзімір Пуцін у маі заяўляў, што Масква будзе думаць пра тое, як «купіраваць» пагрозы для нацыянальнай бяспекі.
