Асуджаны на 15 сутак арышту ўдзельнік мітынгу пратэсту недармаедаў у Бабруйску Яўген Глагольеў-Васьковіч ад 16 сакавіка пачаў за кратамі галадоўку пратэсту.
Пра гэта паведаміла жонка асуджанага Александрына Глагольева-Васьковіч.
Александрына спадзяецца, што Яўген адмаўляецца толькі ад казённага харчаваньня, «бо есці і нават глядзець на гэта немагчыма. Хаця начальнік казаў, што ежу ім прывозяць ажно з кавярні. Хатнюю ежу я здала пад вопіс, і Яўген распісаўся ў атрыманьні — спадзяюся, паесць».
14 сакавіка суд у Бабруйску пакараў арыштам на 15 сутак былога палітвязня Яўгена Васьковіча за ўдзел у акцыі пратэсту ў гэтым горадзе 12 сакавіка.
0
0
0
0
0
0
