Маму, якая выкінула дзіця ў смеццеправод, прысудзілі да 12 гадоў пазбаўлення волі. Пакаранне яна будзе адбываць у папраўчай калоніі агульнага рэжыму. Дзяўчынку, якая, праляцеўшы сем паверхаў засталася жывая, цяпер выхоўваюць цётка і бабуля.

Дзяржабвінаваўца Аляксандр Ляўковіч падчас судовых спрэчак, прасіў для Кацярыны 15 гадоў пазбаўлення волі. Такое пакаранне, распавёў ён, запытаў, зыходзячы з асобы абвінавачанай. Максімальны тэрмін па артыкуле, па якім судзілі Кацярыну, — 25 гадоў пазбаўлення волі.

— Да крымінальнай адказнасці яна раней не прыцягвалася, да таго ж у яе ёсць яшчэ адно непаўнагадовае дзіця, — растлумачыў сваё рашэнне дзяржабвінаваўца Аляксандр Ляўковіч. - У той жа час улічваўся і цяжар здзейсненага злачынства.

Суд прызначыў меншае пакаранне — 12 гадоў у папраўчай калоніі.


Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру