Як паведамілі БелаПАН у чэскім пасольстве, І. Карас быў прызначаны часовым павераным у справах Чэскай Рэспублікі ў Беларусі ў чэрвені. Дагэтуль ён працаваў у Беларусі консулам.
Папярэдні часовы павераны Уладзімір Румл пакінуў Беларусь 29 красавіка ў сувязі з заканчэньнем тэрміну сваіх паўнамоцтваў. Ён узначальваў чэскую дыпмісію ў Менску больш як чатыры гады.
* * *
Даведка
Іржы Карас нарадзіўся 30 ліпеня 1942 года. У 1968 годзе закончыў эканамічны факультэт Сельскагаспадарчага інстытута ў Празе. У 1975 годзе за «антысавецкую і антысацыялістычную дзейнасьць» (адпаведнік «дэструктыўнае дзейнасьці» ў цяперашняй Беларусі. Папярэдні пасол таксама быў актывістам апазыцыі ў часы калі Чэхія была пад савецкім кантролем. — Рэд. НН) быў выключаны з Карлавага ўнівэрсытэту, дзе завочна вучыўся на юрыдычным факультэце. Вучобу закончыў у 1990 годзе, у 1991 — атрымаў ступень доктара.
У 1990—2006 гадах быў членам Палаты дэпутатаў парлямэнту Чэхіі ад Хрысьціянска-дэмакратычнай уніі — Чэхаславацкай народнай партыі. Уваходзіў у склад міжнароднага камітэта, працаваў намесьнікам старшыні пастаяннай дэлегацыі чэскага парлямэнту ў Парлямэнцкай асамблеі АБСЭ і старшынёй падкамітэта па сувязях з суайчыньнікамі ПА АБСЭ.
У 2006 годзе стаў дзяржаўным дарадцам у Міністэрстве замежных спраў Чэхіі. З 2007 года працаваў консулам у чэскім пасольстве ў Мінску.
Валодае расейскай, нямецкай, англійскай і францускай мовамі.
