Арцём Скарабагаты паходзіць з вядомай шматдзетнай беларускамоўнай сям’і Скарабагатых. Хлопец вучыцца за мяжой. 15 сакавіка ён прыехаў у Мінск да сям’і і наведаў Марш недармаедаў. Арцём ехаў у тым самым тралейбусе, дзе былі затрыманні.
Арцём Скарабагаты ў судзе Цэнтральнага раёна. Фота Ірыны Арахоўскай
Арцёма пасля затрымання змясцілі ў адзін з мікрааўтобусаў.
Праз нейкі час ён уцяміў, што можа адчыніць дзверы аўтобуса. На першым святлафоры Арцём націснуў патрэбны рычаг і крыкнуў: «Уцякайце!» Некалькі затрыманых кінуліся наўцёкі. Некалькім хлапцам удалося ўцячы. Сам Скарабагаты застаўся ў бусе.
Арцём разам з маці чакае прысуд. Фота Ірыны Арахоўскай
Суд даў Арцёму Скарабагатаму 15 сутак зняволення. Ён выйдзе на волю 30 сакавіка.
0
0
0
0
0
0
