Прэзідэнт Расіі Уладзімір Пуцін надзяліў Федэральную службу аховы (ФСА) правам прымаць рашэнні аб адабранні зямельных участкаў для дзяржаўных патрэб. Адпаведны ўказ апублікаваны на афіцыйным інтэрнэт-партале прававой інфармацыі, паведамляе РБК.
Згодна з указам, канфіскаваныя ўчасткі могуць выкарыстоўвацца для будаўніцтва і рэканструкцыі аб'ектаў федэральнага значэння, неабходных для працы Федэральнай службы аховы.
Ведамства накіравала Пуціну запыт у жніўні мінулага года, заявіўшы, што адабранне зямель можа спатрэбіцца для забеспячэння бяспекі аб'ектаў дзяржаўнай аховы. Неўзабаве пра такія ж паўнамоцтвы папрасіла Федэральная служба бяспекі.
Раней служба магла толькі ажыццяўляць права бестэрміновага карыстання ўчасткамі. Адабранне участкаў для патрэб ФСА адбывалася агульным парадкам — праз пастанову ўрада Расіі.
