Сваякі затрыманых па «справе баевікоў» паведамілі ў сацсетках, што збіраюцца выйсці 31 сакавіка а 19-й вечара да будынку КДБ. Іх лозунг — «Патрыёт — не злачынец».
Як паведамляе журналіст «Нашай Нівы», за гадзіну да пачатку меркаванай акцыі насупраць будынка КДБ перакрываюць вуліцу Камсамольскую. Ля кінатэатра «Перамога» два аўтобусы, сіні бус. Адзін аўтобус поўны амапаўцаў.
