Каля адной са станцый метро ў Осла паліцыя выявіла і абясшкодзіла выбуховае прыстасаваньне. Бомба, абвясцілі прадстаўнікі кіраўніцтва паліцыі Нарвегіі, была знойдзена каля станцыі метро «Грэнлан» у ноч на 9 красавіка.
Раён здарэння быў ачэплены, рэстараны і кавярні зачыненыя, людзі эвакуіраваныя. Бомба была падарваная пад кантролем сапёраў.
Кіраўнік паліцыі Осла Відар Педэрсен пацвердзіў, што выяўлены каля станцыі метро падазроны прадмет - выбуховае прыстасаванне.
Паліцыя таксама паведаміла аб затрыманні падазраванага, аднак ніякіх падрабязнасьцяў ні пра яго, ні пра выбуховую прыладу пакуль раскрываць не стала.
Нарвегія ўзмацніла меры бяспекі пасля таго, як у сталіцы суседняй Швецыі грузавік здзейсніў наўмысны наезд на пешаходаў, забіўшы 4 чалавек і параніўшы 14.
