Балгарскі курорт «Сонечны бераг» (Слънчев бряг) названы самым даступным еўрапейскім курортам па выніках даследавання, праведзенага брытанскай паштовай службай, паведамляе ВВС. Усяго ў складзеным рэйтынгу фігуруюць 19 еўрапейскіх курортаў, самым дарагім месцам адпачынку названы востраў Ібіца.
Сонечны бераг, фота childrenstour.ru
Даследаванне грунтавалася на цане турыстычных тавараў і паслуг — ад сярэдняга чэка ў рэстаране за сняданак, абед і вячэру да цаны крэму для абароны ад загару.
На балгарскім курорце цана гэтага кошыка склала прыкладна 44 еўра, у той час як на Ібіцы турысту даводзіцца плаціць за самае патрэбнае па 154 еўра на кожны дзень.
Самыя даступныя курорты ў сакавіку 2017
- Сонечны бераг, Балгарыя
- Альгарвэ, Партугалія
- Коста-дэль-Соль, Іспанія
- Мармарыс, Турцыя
- Пафас, Кіпр
Самыя дарагія курорты
- Ібіца, Балеарскія астравы
- Марэнціна, поўдзень Італіі
- Ніца, поўдзень Францыі
- Задар, Харватыя
- Лісабонскае ўзбярэжжа, Партугалія
0
0
0
0
0
0
