Каля Луганска на фугасе падарваўся аўтамабіль з назіральнікамі АБСЕ. Пра гэта са спасылкай на крыніцы ў сілавых структурах самаабвешчанай Луганскай народнай рэспублікі паведамляе «Інтэрфакс».
Сярод супрацоўнікаў Спецыяльнай маніторынгавай місіі АБСЕ ёсць забітыя і параненыя, паведамляе Украінская праўда.
Загінуў адзін з назіральнікаў — грамадзянін ЗША. Яшчэ двое шпіталізаваныя.
Фугас выбухнуў каля вёскі Прышыб Славянасербскага раёна. Хто яго паставіў — невядома.
Місія АБСЕ ў твітары пацвердзіла інфармацыю пра «сур'ёзны інцыдэнт» з аўтамабілем.
