Акцыі «Надакучыў» (Надоел) праходзяць 29 красавіка ў некалькіх гарадах Расіі.
Некаторыя з іх не былі ўзгодненыя з гарадскімі ўладамі. Паводле задумы арганізатараў, удзельнікі павінны пісаць лісты Уладзіміру Пуціну з заклікам адмовіцца ад удзелу ў выбарах 2018 года.
На няўзгодненай акцыі ў Санкт-Пецярбургу, якую праводзіць «Адкрытая Расія», затрыманыя 30 чалавек.
Раней паведамлялася пра затрыманні на акцыі ў Кемераве. Там былі затрыманыя 14 чалавек. Былі затрыманні ў Новакузнецку і Цюмені.
У цэнтры Масквы ў раёне Старой плошчы каля метро «Кітай-Горад», а таксама на Славянскай плошчы сабраліся 400 чалавек. Плануецца, што яны пройдуць да будынка Адміністрацыі прэзідэнта, дзе маюць намер падаць зварот да кіраўніка дзяржавы з просьбай не вылучаць сваю кандыдатуру на новы прэзідэнцкі тэрмін.
Паліцыя просіць тых, хто сабраўся праходзіць у бок Краснай плошчы і не затрымлівацца.
У Маскве ў чаканні акцыі, фота Яўгенія Фельдмана
