Дональд Трамп адпраўляецца ў сваю першую замежную паездку. Прэзідэнт ЗША наведае Саудаўскую Аравію, Ізраіль, Бельгію, Італію і Ватыкан. Перад ад'ездам з Вашынгтона Трамп заявіў, што мае намер абараняць амерыканскія інтарэсы, паведамляе Радыё Польшча.
EPA
Першая замежная паездка Дональда Трампа ў якасці лідара ЗША будзе доўжыцца 9 дзён. У рамках гэтай паездкі ён выступіць з пасланнем да ісламскага свету, сустрэнецца з лідарамі Ізраіля Біньямінам Нетаньяху і Палестынскай аўтаноміі Махмудам Абасам і будзе прыняты папам Францішкам. Дональд Трамп таксама возьме ўдзел у саміце НАТА ў Бруселі і саміце «Вялікай сямёркі» на Сіцыліі.
Прадстаўнікі Белага дома звяртаюць увагу журналістаў на буйную зброевую ўгоду, якая павінна адбыцца ў ходзе візіту Дональда Трампа ў Эр-Рыяд. Яна прадугледжвае продаж амерыканскай зброі Саудаўскай Аравіі на суму ў 110 млрд даляраў на працягу наступных 10 гадоў.
