Прэм'ер-міністр Канады Джасцін Трудо ўжо даўно заваяваў сэрцы жанчын не толькі сваёй харызмай, але і любоўю да вясёлых шкарпэтак. На гэты раз чыноўнік паказаў шкарпэткі з лагатыпам НАТА.
Новую модную дэталь свайго гардэроба Трудо прадэманстраваў канцлерцы Германіі Ангеле Меркель на неафіцыйнай сустрэчы кіраўнікоў краін НАТА ў Бруселі.
Меркель выклала фота ў сваім Instagram.
«Крутыя шкарпэткі, Джасцін Трудо! Прэм'ер-міністр Канады з гонарам прэзентуе свой новы набытак на сустрэчы НАТА ў Бруселі», — напісала пад фота канцлер.
Дарэчы, шкарпэткі ў Трудо аказаліся рознакаляровымі — адна ружовая, другая блакітная.
Нагадаем, прэм'ер Канады ўжо не першы раз выгульвае ў людзі вясёлыя шкарпэткі. У прыватнасці, летам мінулага года падчас візіту ў Кіеў на Трудо былі шкарпэткі з кацянятамі.
