Андрэй Міхневіч адстаў ад срэбра на 4 см.
Першую срэбную ўзнагароду ў беларускай камандзе на Алімпіядзе ў Пэкіне здабыў цяжкаатлет Андрэй Рыбакоў. А Андрэй Міхневіч узяў бронзу ў у штурханьні ядра.
У рыўку Андрэй Рыбакоў узьняў 185 кг, а штурхнуў – 209. Столькі сама ў суме набраў таксама цяжкавагавік з Кітаю Лу Юн. Яму і дастаўся залаты мэдаль - ён зусім крыху лягчэйшы за магілёўца.
У стральбе з дробнакалібравай вінтоўкі лежачы на 50 мэтраў былы алімпійскі пераможца Сяргей Мартынаў сёньня заняў толькі апошняе, восьмае месца. Ён набраў 595 пунктаў.
У стральбе з лука Максім Кунда вылецеў у 1/8 фіналу.
Цяпер найбольшыя нашы надзеі засталіся на лёгкаатлетаў.
У фінал прабіліся ўсе тры штурхальнікі ядра. Андрэй Міхневіч з 20,48 м меў пасьля кваліфікацыі трэці вынік. І сваё месца ўтрымаў. У фінале ён пусьціў ядро на 21,05 м. Гэта зусім не далёка, 22 м апошнім часам не рубеж для ядравікоў, але тут вынікі былі сьціплыя ва ўсіх. Саступіў ён толькі паляку Томашу Маеўскаму, ды амэрыканцу. Віншуем!
Дзякуючы гэтым двум мэдалям Беларусь узьнялася на 31-е месцы ў мэдальным заліку (0, 1, 3) - гэта трохі горш, чым мы паказвалі ў мінулыя гады. Але вельмі годна для 10-мільённай нацыі. Прычым мэдалі мы бяром у дысцыплінах асілкаў: цяжкой атлетыцы, барацьбе, штурханьні ядра. Дужы народ!
У суботу на мэдалі наша каманда можа зноў разьлічваць у спаборніцтвах кідальнікаў ядра, дзе выступяць Надзея Астапчук і Натальля Харанека. Фінал распачынаецца а 14-й гадзіне па менскім часе.
А наперадзе плянэты ўсёй змагаюцца амэрыканцы і кітайцы. Вось зьвесткі на вечар 15 жніўня: у ЗША больш мэдалёў (46: 14-13-19), затое ў Кітаі мэдалі спрэс залатыя (42: 26-9-6). Далей шчыльна трымаюццаНямеччына 8 2 4 (14)
Карэя 6 9 3 (18)
Італія 6 4 4 (14)
Японія 6 4 3 (13)
Аўстралія 5 7 8 (20)
Расея 3 8 8 (19)
Францыя 3 8 7 (17)
А вось астатнія краіны:
Брытанія 3 2 3 (8)
Славаччына 3 1 0 (4)
Украіна 3 0 4 (7)
Чэхія 2 2 0 (4)
Грузія 2 0 1 (3)
Куба 1 3 4 (8)
Нідэрлянды 1 2 4 (7)
Азэрбайджан 1 2 1 (4)
КНДР 1 1 3 (5)
Румынія 1 1 2 (4)
Манголія 1 1 0 (2)
Польшча 1 1 0 (2)
Швайцарыя 1 0 3 (4)
Гішпанія 1 0 1 (2)
Фінляндыя 1 0 1 (2)
Тайлянд 1 0 0 (1)
Індыя 1 0 0 (1)
Кенія 1 0 0 (1)
Вугоршчына 0 4 1 (5)
Казахстан 0 3 2 (5)
Зімбабве 0 3 0 (3)
Турцыя 0 2 1 (3)
Швэцыя 0 2 1 (3)
Беларусь 0 1 3 (4)
Аўстрыя 0 1 2 (3)
Узбэкістан 0 1 1 (2)
Альжыр 0 1 1 (2)
Нарвэгія 0 1 1 (2)
Кіргізія 0 1 1 (2)
Славенія 0 1 1 (2)
Віетнам 0 1 0 (1)
Калюмбія 0 1 0 (1)
Арменія 0 0 5 (5)
Бразылія 0 0 4 (4)
Тайвань 0 0 2 (2)
Інданэзія 0 0 2 (2)
Литва 0 0 1 (1)
Харватыя 0 0 1 (1)
Аргентына 0 0 1 (1)
Таджыкістан 0 0 1 (1)
Мэксыка 0 0 1 (1)
Тога 0 0 1 (1)
Баўгарыя 0 0 1 (1)
Эгіпэт 0 0 1 (1)
Данія 0 0 1 (1)
